Si, vou falar dos resultados electorais

Touriño presidente. Parece o nome dunha pilícula...
Onte estaba co ánimo un tanto sinistro, como é natural todo este mes e os xuños en xerais, cando o meu compañeiro de piso dixome de ir celebralo. Díxenlle que non. Vinte minutos despois baixei a súa busca. Logo cruceime con outros amigos e volvín á Praza Roxa. Habería uns cen rapaces con bandeiras do PSOE e infiltrados puretas do Partido. Un ambiente moi tranquilo. Como se se gañase unha partida de Trivial e o houbese que celebrar con moderación. Os coches pitando e atravesando a Praza Roxa...
As cousas na Quintana foron máis espontáneas. ¿Un pouco máis viscerais...? Tamén, é posible. Pero a xente estaba contenta, coreaba lemas denunciables por Acebes e bebíase con sentidiño... A maioría dos locais emblemáticos da noite compostelá estaban pechados e a xente non se animou moito. Exames, a previsión do xa feito... Dádelle vós a explicación.
Cada vez autoconvénzome máis de que as revolucións son tranquilas e os cambios aparentes e falsos veñen acompañados de bandeiras e lemas grandilocuentes. Fagámolo ben entre todos desta volta, levámolo moito tempo facendo mal.