Hai que votalos (especial eleccións): O futuro está no futuro

... E o coche con sorte no garaxe. Alármame a Voz de Galicia. Seguramente porque eles, á súa vez, ven coma unha maneira de vida pode esvaecerse en dúas semanas e o seu universo particular debe ser reconfigurado. Por partes:
Don Manuel é membro do xurado do Príncipe de Asturias, supoño da parcela política, e supoñoo non pola súa dilatada carreira (adxectivo curioso) senón porque hai pouco llo concederon a Giddens, verdugo da socialdemocracia. Pois iso. Que anda en Oviedo perseguindo ó espírito de Don Pelayo. E namentres veñen o máis listo da clase (Gallardón) e o máis parvo (Acebes). É unha opinión baseada na distancia que cada un deles mantén con Aznar.
O coruñesismo da Voz fai que pareza unha idea descabellada trasladar a Consellería de Pesca, e só esa consellería, a Vigo tal como prometeu Touriño. Idea absurda dado que apenas hai armadores en Vigo e a insignificancia da nova Axencia Europea de Pesca non se pode comparar coa tradición mariñeira de Compostela. E senón recordade que os anxos trouxeron ó Apostol nunha barca e que Santiago era pescador... Como soe ser habitual no socialismo varios compañeiros de partido xa se opoñeron a esta decisión.
Por outra parte ninguén quere a Quin. Nin sequera Durao Barroso, din que por presións de Fraga. Tranqui Anxi, tal como lle vai a el dende que colleu a UE e traizoou ó seu país deixandoo en ridículo. Así que tranquilo Quin, se queres gafes reunete con ese arxentino que estivo no terremoto de México do oitenta e pico, en Nova York o 11-s e en Tailandia durante o Tsunami.
O partido máis importante que participa nestas eleccións é o formado polo Cuiñismo ou o Baltarismo (dependendo da provincia que sexades). Ese é o verdadeiro poder ( e atraso) de Galicia.