Hai que votalos (especial eleccións): Feitos para a reflexión

Xa falta pouco (menos mal) para rematar este especial e, quizais, espertar e ver que o dinosaurio xa non segue en San Caetano (adicado ó pai de Sálvora).
Gustaríame ofrecervos datos, cifras, feitos para movermos a votar polo cambio pero:
Son un lacazán e non me apetece andar a buscar por aí.
Coñecendo os visitantes que coñezo e vendo as visitas que recibo e como chegan ata min conclúo que xa ides votar ó cambio e que non sabedes escribir a palabra "votar" (si, amigos que entrades por google, é con "b").
Falemos, logo, de Fraga. Da súa última usupración vergoñante e patética dos medios públicos ó seu favor. Desa entrevista antes do Luar donte. O partido que despreza os resultados do 14-M pasa a Xunta Electoral polo escroto cando xa non hai tempo nin para reclamar.
Coma nunha obra de teatro ben tramada, o vello dictadorzuelo amosa as súas miserias espontaneamente en televisión cun xornalista asentindo e realizando as preguntas xa programadas. Unha actuación que recorda a actitude de nós, os galegos, perante o goberno da infamia que tirou o diñeiro europeo e español suficiente coma para poñernos a altura de Francia ou Alemaña. Noutros países foi así. Se as enquisas non se soen equivocar ( e soen facelo aínda que non tanto ) gustaranos ensinarlle a Fraga que é a democracia dende a oposición.