Hai que votalos (Especial eleccións): As cousas que importan

Cando estaba a almorzar vin un grande traballo xornalístico ( O problema da grandeza do traballo xornalístico é cando a realidade te estorba no teu camiño cara a gloria)e díxenme: "Este será o tema do blog de hoxe." Non obstante atopeime con outro traballo xornalístico, ou non, unha reflexión lúcida, si, sobre a realidade que me torceu o morro.
Manuel Baltar, fillo do cacique do trombón, deleitanos cunhas confesións extraordinarias na Voz de Galicia: "En fútbol siempre fui extremoderecho", "mis películas favoritas son el Padrino y Uno de los nuestros", "Fraga es como Zidane"... Demasiado bo para que alguén o inventase. Aquí a tedes.
O que me entristeceu un pouco foi un artigo "Pepiño Grilo" do columnista de El Periódico Antón Costas. Seguramente non di nada qeu non saibamos. Pouco a pouco as desigualdades amplianse en España e volvemos a un sistema económico predemocrático. O verdadeiro baluarte das democracias é un reparto equilibrado da riqueza e o acceso universal a unha educación que nivele as nosas posibilidades en función das nosas capacidades. Por iso, máis importante que o partido que gañe, é conformar unha socieade esixente e inconformista para obter dos políticos o que merezamos. Se non esperamos nada, o resultado non deixa de ser lóxico e ese pode ser o cerne do problema político en Galicia.

Regálovos unha foto da Voz que hoxe estaba especialmente xenerosa. Deben de cheirar o cambio. Tamén estamos de noraboa porque a UE aprobou o uso do galego nas súas institucións, aínda que sexa de tapadillo.