Wednesday, June 15, 2005

Hai que votalos (Especial eleccións):Os anuncios

Si amigos non podía faltar. Cada vez que hai eleccións descubrimos que non hai dous partidos en Galicia, nin tres, nin 4, senón un fato deles. Por partes...
Os maioritarios. Adolecen de certo uniformismo pero se as súas políticas tamén resulta un conxunto coherente ¿non? Hai pouco risco artístico salvo no do Bloque no que vexo certos rasgos entre Dogma e Passolini. ¿A vos eses cambios de plano durante o discurso de Quin non vos recorda a cando Xesús enumera as benaventuranzas no Evanxeo Según Xesucristo? E despois xorden unha serie de enigmas como... ¿por que sae un chino? ¿Acaso é para darse de non nacionata, en que quedamos Quin?
Xa critiquei dabondo neste blog o lema do PSOE. Aínda non vira o anuncio. Todas esas persoas en bici con pinta de terse tomado un tripi. Parece Verano Azul. Lamentar, tamén, que os contornos mariños que amosan están nun lamentable estado vexetativo. Si amosan o estado da nosa fauna (loable). Non non é bo dicir a verdade nun anuncio (por deprimente).
Pouco que dicir sobre o partido máis popular, moi institucional e aburrido. Gastáronse moita pasta seguro porque senón non se explica que sexa tan aburrido (Quin parece que está na rodaxe da Meiga de Blair). Moléstame sobremaneira que se gasten os nosos cartos neses anuncios. Cando o gastan en comelladas electorais cando menos aínda nos caen as farangullas pero que non aborrezan ó persoal.
Chamoume moito a atención que os tres grandes partidos teñen un anuncio moi institucional e serio (aburrido e falto de imaxinación) e outro máis dinámico dirixido á xente nova (hortera e máis falso que as moedas de catro pesetas). No do PP, gravado no campus norte nas inmediacións de xornalismo hai poucas datas, saen uns rapaces que:
-Ou ben teñen cara de "eu digo que sodomicei a Sadam Hussein ou o que queiras para que me dedes os 60 euros e tajarme cos colegas".
-Ou ben teñen cara de "non me creo nada".
Destacar dúas circunstancias especialmente lamentables. A primeira é que ese spot comeza cunha parodia da escea de La Vida de Brian na que o Consello Xudeu pregunta que fixeron os romanos por eles e os asistentes á asamblea enumeran un gran número de reformas beneficiosas. Fraga, escoita, podes roubarnos, tomarnos por parvos e asoballarnos mais desacralizar ós Monty Python é indigno ata de ti. A segunda circunstancia é que os logros que alí enumeran son totalmente falsos ou non atribuibles á Xunta: 6.000 km de autoestradas (Danke Deustchland), mellora da sanidade (como ía ser peor ca do franquismo?), maior presencia internacional de Galicia (non tedes máis que lembrar o World Tour de Carmiña Burana) e 6 millóns de turistas (co que adiantamos a Andalucia, Canarias e Baleares e xa vivimos deso... como camareiros nesas poblacións).
O anuncio "coñero" do Bloque con Celso Bugallo e actores amateurs facendo chistes fáciles sobre o PP ten dúas inspiración: o cine de Abbas Kariostami e o anuncio de Ramón o Fertimón. Quin, é un anuncio non hai que facer arte necesariamente.
E o momento que agardabades chegou: Os partidos minoritarios. Coma na tele, voulles adicar un miniespacio sen acritude:
-IU: Non gastaron moitos cartos no anuncio. Parece unha montaxe cutre en Powerpoint ou Flash. As fotos deben de ser do album persoal de Yolanda (www.votayolanda.com) e o seu slogan "¿Por que non unha muller?" Desacredita calquera política desta formación en materia de muller. Ubi est Geluco?
-Partido dos Autónomos: O mellor sen dúbida. O máis democrático. Un señoriño que falaba dos problemas reais da xente e denunciaba que vivimos nunha dictadura rotatoria de cada catro anos. Pedía o protagonismo dos cidadáns de a pé. Poñía na mesa problemas concretos e as súas solucións, non coma os grandes partidos con grandes palabras que se esvaecen. A rebelación da temporada. Pena de dicción. (os nervos, xa se sabe)
-Falange Española: Dous feitos, un deles sorprendente e outro non. Os obxectivos de Falange (máis emprego, maís hospitais, máis empresas, máis infraestructuras) e as súas concepcións de Galicia ("gallegos somos los que amamos Galicia, su lengua, cultura y tradición pero sabemos que la única nación es España y no necesitamos más autogobierno"). O segundo feito é que empregaban para ilustrar o seu anuncio (co Cara el sol de fondo) imaxes aéreas da Coruña e Vigo dos anos 80. Vós elixide cál e o feito máis sorprendente.
-Nós_UP: Bueno estes molestáronse en facer o anuncio. Tamén se lles nota que son da escola de Quin polo do amateurismo e tal. Advírtennos contra os novos caciques. Alguén nos debería advertir a nós contra os novos caciqueados.
Sei que hai máis partidos coma Democracia Nacional ou a FPG pero non vin os spots. Se os víchedes anímovos a que completedes este Spot.
Non me resisto a despedirme sen falarvos duns carteis que apareceron por Santiago. Estaban cotrosamente elaborados a Word e en DINA3 e dicían "Só os porcos comen e durmen no mesmo sitio. Non te deixes manipular. Vota."

0 Díxome díxome:

Post a Comment

<< Home