Monday, October 30, 2006

As aventuras dun post calquera

Simplemente deixar constancia da lectura dun marabilloso libro de William Boyd: As aventuras dun home calquera. A tese principal é un tema de reflexión corrente de moitas persoas e artistas. Analízase coma a andaina vital dun individuo é tan sumamente rutinaria, predecible e ordinaria coma, ao mesmo tempo,única e irrepetible. Esta novela é un brillante exemplo co peregrinar dun individuo cos problemas compartidos por todos nós (os procesos de madurez, o amor e o desamor, a batalla contra a soidade e a morte, as relacións familiares...) a través dun escritor vocacional que, por amor e graza de diversos azares, convértese en tratante de arte, espía, terrorista, terratenente ou marchante de arte coñecendo no camiño a Picasso, James Joyce, ao Príncipe de Gales, Pollock, a Guerra de Biafra, a II Guerra Mundial, a Heminway, a Guerra Civil Española... e viaxando por Suiza, Uruguai, Nixeria, Islandia, Alemaña, Gran Bretaña, Francia.

A novela emocionoume por momentos. Resulta fácil sentirse identificado co protagonista, tan mísero e tan grande a un tempo. Confeso que axudou a que aceptase mellor a novela o feito de que o protagonista da novela nacese o mesmo día ca min e que o carácter de Logan Gonzago Monstuart se asemellase moito ao da persoa que me recomendou o libro e o tipo de literatura que defende. Fóra do frío da complexidade estilística, que moitas veces non é máis que un xeito baleiro de buscar a excelencia, transmite calor e a un verdadeiro ser humano. Na última páxina tes a sensación de perder a un ser querido e iso non me pasa a miudo cun personaxe de ficción.

7 Díxome díxome:

At 5:27 PM, Blogger Xosé Manuel Carreira said...

Monstuart, iso si que é un apelido con persoalidade.

 
At 1:22 PM, Anonymous Anonymous said...

pois eu tomo nota.

 
At 1:30 PM, Blogger elduende said...

Tanto que ler e tan pouca vida...
Dende logo, ten boa pinta.

 
At 10:56 AM, Anonymous Anonymous said...

eu participo da idea do duende, lamento tanto non ter tempo para ler, teño un montón de libros que se apilan en tarefas pendentes, e que non lles dou feito frente. Sinto un alivio cando os remato, unha felicidade, a satisfacción do traballo ben feito.

 
At 7:42 PM, Blogger Zerovacas said...

Entre ti e máis eu levamos 0 posts na última semana. ¿estaremos incubando algo?

 
At 6:21 PM, Blogger Elianinha said...

por que aparezo de anónimo???

 
At 7:24 PM, Blogger O Nadador said...

Supoño que porque non marcaches o da identidade coma Blogger.

 

Post a Comment

<< Home